| BAZAR ERTƏSİ, 23.12.2024, 19:46 | Baş səhifə | Burdan yarat | Seç |
|
STATİSTİKA
BÜTÜN ONLAYN: 1 QONAQLAR: 1 İSTİFADƏÇİLƏR 0 |
Каталог файлов
Meşələrimizi qoruyaq
|
| 03.04.2010, 18:35 |
Vaxtilə Yer kürəsində meşələrin sahəsi 7 mlrd. hektar təşkil edirdi.
İndi bu rəqəm iki dəfə azalıb. İnsan ağaclardan inşaatda və təbii
yanacaq kimi istifadə edirdi. Meşələr insanlar tərəfindən qədim
zamanlardan mənimsənilir. Onların böyük əraziləri qırılıb. Bu isə çox
zaman yerli təbii şəraitin pisləşməsi ilə nəticələnib: yarğanların
böyümə sürəti və torpaqların yuyulması artıb, çaylar dayazlaşıb və s.
Alimlər hesablayıblar ki, torpaqların sovrulması və yuyulması
nəticəsində Yer kürəsində 50 mln. hektardan artıq məhsuldar torpaqlar
məhv edilib. Ümumi meşə ərazisindən yalnız üçdə bir hissəsi qalan
Amerika Birləşmiş Ştatlarında hər il çöllərdən və otlaqlardan 3 mlrd.
ton torpaq yuyulur.
İnsanlar meşələri qıraraq əkinçilik və
mal-qaranın otarılması üçün istifadə edəcəkləri çölləri yaradırlar.
Lakin bunu düşünərək eləmək lazımdır. Meşələr çölləri küləklərdən, güclü
sellərdən qoruyur, suyu saxlayaraq onun çaylara keçməsinə mane olur,
torağın sovrulmasının qarşısını alır.
İnsanlar yaşayış vasitələrini
əldə etdikdə, bu və ya digər səbəblərin ucbatından təbiət proseslərinin
gedişinə qatıldıqda öz müdaxiləsinin nəticələrini qabaqcadan
bilməlidirlər. İnsanı əhatə edən aləmdə bütün amillər biri-biri ilə sıx
əlaqəlidir. İnsanlar təbiətdə çoxdan bəri qurulmuş qarşılıqlı əlaqələri
pozaraq özləri özlərinə ziyan vurmuş olmalarını çox gec anlayırlar.
İnsan fəaliyyəti planetar miqyaslı xarakter alıb, lakin böyük səhvləri
düzəltmək asan deyil. Məhz bu səbəbdən bizim ölkədə də vaxtında meşə
sərvətlərinin qorunub saxlanılması üzrə tədbirlərin görülməsi vacibdir.
Bir çox ölkələrdə xüsusi meşə təsərrüfatı xidməti mövcuddur.
Meşəbəyləri, meşə gözətçiləri və meşə mühafizəsinin xüsusi dəstələri
meşə yanğınları və ziyanverici həşəratlarla mübarizə aparır, xeyirli
quşları mühafizə edir. Meşə xidməti meşəni qanunsuz olaraq qırılmadan,
vəhşicəsinə məhv edilmədən qoruyur, ağac tədarükü, ov, mal-qaranın
otarılması qaydalarına əməl olunması prosesinə nəzarət edir. Qırılmış
ərazilərdə yeni ağaclar əkilir, müharibə və ya pis təsərrüfatçılıq
nəticəsində məhv edilmiş meşə massivləri bərpa edilir.
Yaxşı olardı
ki, bizim ölkədə də meşələrin qorunub saxlanılması üzrə işlərin daha da
geniş vüsət alması məqsədi ilə meşə təsərrüfatı xidməti təkmilləşsin.
|
|
Dərəcə: Mənim faylım | Əlavə: Vətənpərvər
|
| Baxış: 719 | Köçürt: 0
| Retinq: 5.0/1 |
|
 |  |
