| BAZAR ERTƏSİ, 23.12.2024, 15:33 | Baş səhifə | Burdan yarat | Seç |
|
STATİSTİKA
BÜTÜN ONLAYN: 1 QONAQLAR: 1 İSTİFADƏÇİLƏR 0 |
Каталог файлов
Azerbaycanda ekologiya barəsində görülən işlər
|
| 09.04.2010, 20:27 |
Ekologiya və Təbii Sərvətlər Nazirliyinin ətraf mühitin mühafizəsi
sahəsindəki çoxşaxəli fəaliyyətində ictimaiyyətin məlumatlandırılması
və maarifləndirilməsi işi prioritet istiqamətlərdən biri kimi
müəyyənləşdirmişdir. Bu çərçivədə Nazirlikdə yaradılan Ekoloji Təbliğat
şöbəsi "Azərbaycan Respublikasında əhalinin ekoloji təhsili və
maarifləndirilməsi haqqında” Azərbaycan Respublikası Qanuna əsasən
əhalinin maarifləndirilməsi, ictimaiyyətlə və QHT-lə əməkdaşlıq kimi
vəzifələri yerinə yetirərək ekoloji təbliğat sahəsində işlər görür.
Şöbə tərəfindən ekoloji təbliğat məqsədilə Respublika ərazisində
ekoloji təqvimə uyğun tədbir keçirilir, Azərbaycan Respublikasında
ekoloji vəziyyətin yaxşılaşdırılmasına yönəldilmiş Dövlət və Milli
proqramların yerinə yetirilməsi ilə bağlı görülən işlərin, mövcud
problemlərin təbliği və araşdırılmasına həsr edilmiş "dəyirmi masa”lar,
diskussiyalar, forumlar, konfranslar təşkil edilir, sosial reklam
çarxları, ekoloji plakatlar hazırlanılır və yayılması təmin edilir.
Əvvəlki illərdə olduğu kimi 2009-cu il ərzində də Nazirliyin
ekoloji təbliğat şöbəsi və regional təbliğat sektorları tərəfindən
əhalinin ekoloji maariflənməsinə xidmət edən müxtəlif kütləvi
tədbirlər həyata keçirilmişdir.
Belə ki, ölkədə ekoloji mühitin sağlamlaşdırılması sahəsində
misilsiz xidmətləri olan Ümummilli Lider H.Əliyevin doğum günü
ərəfəsində YAP Gənclər Birliyi ilə birgə Ümummilli Liderin 70-ci
illərdən etibarən həyata keçirdiyi yaşıllaşdırma, ətraf mühitin
mühafizəsi və təbii sərvətlərdən səmərəli istifadə siyasətinin daha
geniş təbliğ olunması, onların qorunub saxlanmasını təmin etmək
məqsədilə ali məktəb tələbələri arasında "Ətraf mühitin indiki və
gələcək nəsillər naminə mühafizəsi” adlı məqalə müsabiqəsi
keçirilmişdir. Həmçinin, eyni adlı elmi konfrans, eləcə də regionlarda
gənclərin bu istiqamətdə maarifləndirilməsi üçün treninq və iməciliklər
təşkil olunmuşdur.
Ekoloji təqvim günlərində (Yer günü, Ətraf mühit günü, Dəniz
günü və s.) KİV-də məqalələr dərc olunmuş, televiziya və radio
kanallarında çıxışlar edilmiş, respublikanın yaşayış məntəqələrində
təmizlik və abadlıq işlərinin aparılması məqsədilə iməciliklər təşkil
olunmuş, təhsil müəssisələrində, o cümlədən Bakı Dövlət Universiteti,
Texniki Universitet və Neft Akademiyası və digər ali təhsil
müəssisələrinin müəllim və tələbələrinin iştirakı ilə ekoloji
mövzularda seminar məşğələlər, dəyirmi masalar, Bakı şəhərinin bir sıra
orta məktəblərində Nazirliyin təcrübəli mütəxəssisləri ilə görüşlər
keçirilmişdir.
Heyvanların mühafizəsi və quşların müşahidəsi günlərində heyvan
və quş növlərinin öyrənilməsi eləcə də mühafizəsi ilə əlaqədar QHT və
KİV nümayəndələrinin, o cümlədən alimlərin iştirakı ilə Şirvan Milli
Parkında seminar keçirilmişdir. Seminarda biomüxtəlifliyin qorunması,
mühafizə olunması barədə müzakirələr aparılmış, məruzələr edilmiş,
jurnalistləri maraqlandıran suallar mütəxəssislər tərəfindən
cavablandırılmışdır. Tədbirin sonunda Salyan rayonunun 4 orta məktəb
şagirdləri arasında bu günlə bağlı breyn-rinq yarışı keçirilmiş və
qaliblər mükafatlandırılmışdır.
"Xəzər həftəsi”nin qeyd olunması ilə əlaqədar Xəzərin bioloji
resurslarının mühafizə olunması və artırılması ilə bağlı görülmüş
işləri ictimaiyyətə çatdırmaq məqsədilə Ekoloji təbliğat şöbəsinin
əməkdaşları KİV nümayəndələri ilə birgə Neftçala rayonu Xıllı Nərə
Balıqartırma zavodunda olmuşlar. Müəssisədə yetişdirilən nərəcinsli
balıqlar jurnalistlərə nümayiş etdirilmiş, zavodun fəaliyyəti və
görülmüş işlərlə bağlı onları maraqlandıran suallar mütəxəssislər
tərəfindən cavablandırılmışdır.
Ümumdünya İnsan Hüquqları Bəyannaməsinin qəbul olunmasının 60
illiyi ilə əlaqədar "İnsan Hüquqları aylığı”nda
Ekologiya və Təbii Sərvətlər Nazirliyi və onun tabeli qurumları ətraf
mühitin mühafizəsi sahəsində vətəndaşlara hüquq və vəzifələri barədə
geniş məlumatların verilməsi məqsədilə bir sıra tədbirlər həyata
keçirmişdir.
Belə ki, "İnsan Hüquqları aylığı” çərçivəsində Nazirliyin
aidiyyəti strukturları və QHT-nin iştirakı ilə "Ətraf mühitin
mühafizəsi sahəsində ölkə əhalisinin hüquqlarının təminatı
istiqamətində ETSN tərəfindən həyata keçirilən tədbirlər,
perspektivlər” mövzusunda dəyirmi masa, ekologiya və ətraf mühitin
mühafizəsi sahəsində hüquq və vəzifələrinin öyrədilməsi məqsədi ilə 46
saylı Məktəbdənkənar İş Mərkəzi ilə birgə Bakı şəhəri məktəbliləri
arasında "Breyn - Rinq” bilik yarışı, İnsan hüquqlarının müdafiəsi üzrə
Milli Fəaliyyət Planının icrası olaraq respublikanın müəssisə,
təşkilat və təhsil ocaqlarında ekoloji təbliğat xarakterli tədbirlər
həyata keçirilmişdir. Eləcə də Nazirliyin regional şöbələri tərəfindən
ətraf mühitlə əlaqədar əhalinin məlumat almaq hüquqlarının təminatı
sahəsində müvafiq olaraq "Qazax və Gəncə Orhus mərkəzləri tərəfindən
görülmüş işlər, qarşıda duran vəzifələr” mövzusunda QHT-nin, yerli
ekoloqların, bu sahədə çalışan elm adamları və ziyalıların iştirakı ilə
dəyirmi masalar təşkil olunmuşdur.
Hər il olduğu kimi ölkədə ekoloji vəziyyətin
sağlamlaşdırılması, təbiətdən davamlı istifadənin təmin olunması
ideyalarının yayılması və əhalinin məlumatlandırılması məqsədi ilə
jurnalistlər və telerepartyorlar arasında 5 iyun "Ümumdünya ətraf
mühitin mühafizəsi günü” ərəfəsində ekoloji mövzuda yazılmış ən yaxşı
məqalə və telereportajlar üzrə müsabiqəyə yekun vurulmuşdur
Nazirlik 2009-cu ilin"Uşaq ili” elan edilməsi ilə əlaqədar
keçən dövr ərzində respublikanın şəhər və rayonlarında bilavasitə
uşaqların iştirakı təmin olunmaqla müxtəlif kütləvi tədbirlər həyata
keçirmişdir. Belə ki, "Uşaqları dinləyək, onların iştirakını təmin edək”
devizi altında oktyabr ayının 20-dən noyabr ayının 20-dək respublikada
keçirilən uşaq aylığı ilə əlaqədar respublikanın şəhər və rayon
mərkəzlərində, kənd və qəsəbələrindəki məktəb və uşaq baxçalarında, o
cümlədən, Bakı şəhərinin 225 və 249 saylı, Mingəçevir şəhəri 3 saylı,
Lənkəran şəhəri 6 saylı, Cəlilabad şəhəri 1 saylı, Səlyan şəhəri 5
saylı, Şəki şəhəri 4 saylı, Qazax rayonu Əskipara kənd və Xaçmaz rayonu
Suxtakələ kənd orta məktəblərində, İmişli şəhər uşaq yaradıcılıq
mərkəzində, Bakı şəhəri 240 və 222 saylı uşaq baxçalarında seminar
məşğələlər, rəsm müsabiqəsi, dəyirmi masa, bilik yarışı və s. tədbirlər
keçirilmişdir.
Ekoloji problemlərin həllinə ictimaiyyəti cəlb etmək məqsədilə
"Şəhərin zibillənməsi”, "Havanın çirklənməsi”, "Səhralaşma” və
"Nərəkimiləri birgə qoruyaq” mövzularında çəkilmiş reklam çarxları
televiziya kanallarında yayımlanmış və Nazirliyin İnternet saytında
yerləşdirilmişdir. Həmçinin, qeyd olunan 4 reklam çarxlarından ibarət
hazırlanmış 500-ə yaxın disk şəhər və rayon İcra Hakimiyyətlərinə, o
cümlədən orta məktəblərə paylanılmışdır.
Ərazi Ekologiya və Təbii Sərvətlər şöbələri tərəfindən mütəmadi
olaraq əhalinin ekoloji maarifləndirilməsi, onların bu sahədə
məlumatlılığının artırılmasına xidmət edən 800-dən artıq müxtəlif
tədbirlər, o cümlədən seminar, məşğələ, bilik yarışı, müsabiqə,
treninq, eyni zamanda KİV və QHT nümayəndələri üçün seminarlar təşkil
olunmuş, 30-dan artıq QHT-nin iştirakı ilə ekoloji problemlərin həlli
istiqamətində təklif və sorğular müzakirə edilmiş və onların həlli
istiqamətində tədbirlər həyata keçirilmişdir.
Ekoloji təbliğat sahəsində Orhus konvensiyasının Azərbaycanda
həyata keçirilməsini təmin etmək və ətraf mühit məsələləri ilə bağlı
əhalinin məlumatlandırılması və maarifləndirilməsi məqsədilə Bakı, Gəncə
və Qazax şəhərlərində il ərzində respublika ərazisində fəaliyyət
göstərən Orhus mərkəzlərində 10-dan artıq seminar məşğələ, dəyirmi
masa, digər kütləvi tədbirlər keçirilmiş, 500 nəfərdən artıq
ictimaiyyətin, o cümlədəm QHT, ziyalı, tələbə və sair təbəqələrin
nümayəndələri yuxarıda qeyd olunan xidmətlərindən istifadə etmək
məqsədilə Orhus mərkəzlərinə müraciət etmişlər.
2009-cu il ərzində Ekologiya və Təbii Sərvətlər Nazirliyinin
gördüyü işlər barəsində təbliğat xarakterli məlumatlar, o cümlədən 232
press-reliz internet saytımızda yerləşdirilməklə ictimaiyyətə
çatdırılmış, jurnalistlər tərəfindən daxil olmuş 1151 sorğu
cavablandırılmışdır.
|
|
Dərəcə: Mənim faylım | Əlavə: Vətənpərvər
|
| Baxış: 820 | Köçürt: 0
| Retinq: 0.0/0 |
|
 |  |
